無綫藝人衛志豪早前到歐洲拍攝節目《歐洲鐵騎遊》，揸電單車游走多個國家，勇闖海拔高達2,758米的山脈，挑戰多達48個彎道。他自爆曾炒車，幸得頭盔保護：「當時我打算停車，等埋後面嘅人，點知原來嗰個位置有暗斜，一停車就拉唔實架車，連人帶車傾側，咁啱側邊有另一架車，我就成個頭撞落人哋架車嘅引擎位，搞到頭盔裂咗，之後有啲頭痛，好彩冇咩大礙。呢次係我第一次跌車，所以好難忘。」
