陳熙蕊靠把口率先贏「后冠」

昨日舉行「Little Miss Hong Kong限量珍藏《2019香港小姐》美麗傳承套裝」記者會，一眾候選佳麗即席展現口才，最終陳熙蕊表現佳勝出，獲得迷你版后冠及權仗，同時幾位Little Miss Hong Kong候選佳麗接受導師的禮儀訓練。

增肥食多啲

陳熙蕊對於勝出感開心，她說：「頭先都係諗到咩講咩，個后冠都會拎返屋企戴，真係好閃。」身形偏瘦的她直言近日忙於增肥，惟母親遺傳下，一日食五餐也不長肉。問到淘汰賽已過，是否心情輕鬆不少？她說：「係呀！大家都有保持聯絡，會約出嚟食飯，好掛住大家。（決賽有咩準備？）增肥之外仲要保養皮膚，呢排捱夜好乾，要做多啲保濕。」

放鬆多休息

而王菲日前於淘汰賽險勝姚羽嘉進身決賽，她直認意外：「佢一直表現得好好，佢話唔使太安慰佢，所以我哋免得愈問愈傷心。」談到其面上爆粒粒，王菲指是壓力瘡：「呢個星期開始有，可能因為有淘汰賽，又不斷訓練同練才藝表演，我有睇醫生，叫我放鬆啲，休息多啲同飲多啲水。」至於古佩玲及廖倬竩就同聲表示要為決賽訓練急才及口才。