藝人馬浚偉近日到旺角鬧市賣旗籌款，雖然正值中午烈日當空，但他暴曬一個鐘依然笑容十足，還來者不拒與市民合照，現場有如粉絲聚會，非常熱鬧！他笑說：「我希望傳遞開心，每日都會同喺街上遇到嘅人笑一笑，講聲Hello，如果大家覺得我傻，咁你咪當我烚熟囉，至緊要大家開心！」

他續表示正為十月底舉行的演唱會籌備得如火如荼：「演唱會將橫跨我生日，當晚已請咗我最愛嘅女神周慧敏做嘉賓，另外亦會請我好欣賞嘅年輕歌手，好似釗峰、余香凝等。」