田蕊妮爆曹永廉「大」鑊

藝人田蕊妮、曹永廉、李思捷和余思霆等昨日宣傳無綫新劇《她。她。她的少女時代》，即席示範瑜伽動作，田蕊妮大騷弗爆小蠻腰：「因為嚟緊演唱會，個幾星期前開始食健康餐。（依家滿意成效？）希望嚟緊乾身啲、firm啲。」而tube top打扮的余思霆不經意騷事業線，記者打趣指她「錫身」，她靦覥笑說：「我唔係主角吖嘛，一係留番我做主角先啦！（滿意身材？）因為趕緊開劇，唔夠瞓又冇胃口，好快我就瘦咗7至8磅，不過我本身易肥又易瘦，畀我食番幾日嘢又會肥番。」