雨僑生日逼羅力威食臭豆腐

藝人雨僑（Ava）日前34歲生日，老公羅力威送她一個4日3夜的台灣墾丁之旅，費用由他全包。首次到墾丁的Ava笑言：「我哋全程食玩瞓，只係去咗一、兩個景點，睇吓鹿，仲瞓埋晏覺，好離譜。」又稱對台式臭豆腐情有獨鍾：「3晚我食咗2晚，最成功就係逼到老公食臭豆腐，佢終於接受。（係你嘅生日願望？）係囉，幾卑微。」
雨僑於酒店泳池擺甫士，由老公操刀拍攝。
雨僑於酒店泳池擺甫士，由老公操刀拍攝。

住「地中海」酒店

每次計劃旅行，Ava愛上網挑選偏遠的酒店，很開心今次入住的酒店有地中海Feel：「因為我係KOL，好難旅行去得太耐，既然去唔到地中海，搵間酒店扮住先。」並大讚台灣人熱情：「臨走時被住客認出，酒店老闆先知我哋係藝人，佢哋一直好Nice。」雖然行程短短幾日，但她盡情吃喝玩樂，大嗌回港要減肥。

羅力威與雨僑於墾丁親近小鹿。
  • 羅力威與雨僑於墾丁親近小鹿。
雨僑做足防曬措施，享受日光浴。
  • 雨僑做足防曬措施，享受日光浴。