蕭正楠冇晒面嬲到震

藝人蕭正楠與陳爽前晚出席「海外學生仁濟夜2019」慈善餐舞會活動，談到阿蕭太太黃翠如與洪永城到澳洲拍旅遊節目，他表示趕拍新劇《愛美麗狂想曲》，未能做「跟得老公」愛相隨，大嘆可惜。

「冇嘢做會去接機」

他透露老婆沒帶備足夠禦寒衣物，在當地病倒：「佢12號先返香港，如果嗰日冇嘢做會去接機。佢最近病咗幾日，到時接佢返屋企休息吓或者去睇醫生。」又指洪永城被當地市民誤認是翠如丈夫：「我要開工唔可以跟埋去，有人認錯洪永城係佢老公，嬲到我呢！」又透露計劃年底與太太外出旅行，結果被朋友催生B，還獲贈清宮秘方。

陳爽女兒手指骨碎

育有兩名子女的陳爽被讚身材保養得宜，她揚言湊夠「好」字，決定封肚，並透露兩歲半的囡囡最近被大門夾傷手指：「成隻指甲唔見咗，流晒血，我哋入醫院照X光，骨都碎咗一毫米！醫生話過三個月先康復，依家隔日洗傷口。本身囡囡好鍾意游水，依家都唔掂得水，不過佢好堅強冇乜喊，呼籲大家注意家居安全。」同場的陳嘉桓穿低胸長裙出席，自爆最近積極減肥，瘦身不瘦胸：「以前節食會令心口流失，試過離罩。我之前連續10日做Gym，反而重咗6磅，原本着中碼衫改着細碼。」