江碧蕙珍惜相處母子傾Puppy Love
前女騎師江碧蕙（Sherie）經歷九次人工受孕，結果成功懷上大仔，因為得來不易，更珍惜母子相處時光。現育有兩子的她，對於囝囝日漸成長，開始有自己想法，慶幸母子間能暢所欲言，成為孩子無所不談的摯友。
江碧蕙21歲時下嫁同為騎師的第一任丈夫李格力，為了有自己的孩子，三年內經歷九次人工受孕才成功懷孕，於2001年誕下大仔Samuel，三年後自然受孕誕下細仔Anthony。她計劃35歲前生四個：「過去因為身體健康問題，懷孕計劃被迫延遲，當我適合有BB嘅時候，卻未能成功懷孕。於是去做試管嬰兒手術，喺我打算放棄之際就有咗大仔，之後離開香港移居法國兩年，期間自然有咗第二個小朋友。」
自認細個曳過囝囝
一家移居法國，江碧蕙形容在新環境下跟兒子一起成長：「係個好好嘅鍛煉，無論對我或者小朋友，小朋友好獨立，因為我哋冇工人，咩都係靠自己雙手去做，所有家務都要自己做。」「成為孩子的朋友」是現代父母「成就」之一，江碧蕙跟兩子正正做到無所不談，完全沒有隔膜，她說：「做父母嘅都經歷過青春期，我夠膽講句，我嘅青春期曳過佢哋好多！所以溝通好重要，個仔由細到大同我乜都講，雖然佢得七、八歲，佢會同我分享有女朋友仔，返到小學佢錫咗女朋友仔一啖，我好願意聽佢講，如果我阻止佢，以後咪唔會知道囉！」
育兒貼士
1.給孩子自由度，勿施予太多壓力
2.多溝通，盡量別讓心事過夜
3.支持孩子任何想做的事情
http://bit.ly/2Kh2Zmg