江美儀剪定指甲準備「放題式」喪摑
由導演張之珏執導的舞台劇《但願人長久》昨日排戲，演員江美儀、張可頤、謝君豪、李蕙敏、楊英偉及黃建東等都有出席，並分組排演，內容非常「重口味」，先有飾演同性戀人的楊英偉及邱福永咀嘴，而江美儀及張可頤亦分別有掌摑戲。
美儀受訪表示排戲時摑了對手黃慶堯六下，笑說正式演出時可能會「放題式」喪摑：「排戲要學識點用手指尖摑得唔痛之餘，同時又有效果，都驚打到佢隻耳仔，為咗唔整親佢，我都剪晒啲剪甲。（打完會氹番？）啱啱都請食下午茶，佢呢個角色有兩個演員飾演，搞到我好似排緊兩齣舞台劇咁。今次係有史以嚟摑得最多，之前同李麗珍拍戲要摑佢，打完見佢塊面有4條手指紅印，個心好內疚，講一萬句對唔住，但佢好好，話冇事。」
張可頤「打人」弱雞
而張可頤指劇中角色接受不了「老公」謝君豪患絕症，為逃避現實更掌摑「仔仔」周漢寧，她希望透過舞台劇帶出正能量：「面對住同樣嘅情況，應該要抱住咩態度應對呢個未知嘅未來？」問到正式演出時，「打仔」會不會留力？她說：「綵排咁耐都未試過真打，啱啱係第一次，喺演藝生涯裏面有兩樣嘢最驚，就係開槍同摑人，呢兩樣我都好弱雞，但頭先嗰巴好應，一擊即中。」謝君豪則表示自綵排以來首次有「觀眾」在場。