李麗珍晒泳照谷收視

由李麗珍、廖碧兒、陳國邦及袁富華主演的ViuTV處境喜劇《娛樂風雲》正熱播，李麗珍揚言若收視好，會公開泳照多謝粉絲：「晒泳照一定冇問題，我叫晒朋友一定要睇，唔好到我出場時，唔知前文後理。依家拍咗一半，好關心仲有幾多集要拍。其實劇組好就我，知道我拍得長時間，第二日會畀我開晏少少。」
李麗珍Call晒朋友捧場睇劇。
李麗珍Call晒朋友捧場睇劇。

至於袁富華透露劇集成為與昔日好友重聚的契機：「對方係女性朋友，見到電視有宣傳片，所以Send短訊畀我相認，重建番以前關係。其實我都想有好成績，所以等監製宣布好收視，就會公開泳裝照答謝觀眾，一定會找數。」

袁富華與廖碧兒有不少對手戲。
  • 袁富華與廖碧兒有不少對手戲。