放低Steven過去 未婚妻：只向前看

張致恒承諾負男人責任，全力照顧雯雯與兒子。

榮升正印的雯雯昨晚首度開腔，並上載一張日出相，寓意一切重新開始，她寫道：「一直以來，謝謝大家關心！事情發生後，我已清楚了解一切，經過深切考慮後，最重要是兒子成長，希望大家能給我們空間，這次是我們兩人重要的一課。這段期間，我們共同經歷情緒的起伏，只希望畀機會爸爸盡責任陪伴BB成長……今日以後只向前看，為兒子一步步前行。」而Steven在貼文按讚以示支持。

莊端兒知「染血床單」

另外，Steven舊愛莊端兒前晚出席活動時表示，未有受對方的桃色新聞影響：「我跳出咗好耐，都有兩、三年。（有錢銀轇轕？）過咗去唔講，我哋財政獨立，佢新嘅嘢我唔知。」有傳Steven與她拍拖時，曾偷食蔣家旻及裕美，她說：「我知有呢件事，過咗去唔講。（係聽聞定真有其事？）我係當事人，當然知情，但細節唔講。（染血床單呢？）我知情，睇番報道都有啲虐心，因為有經歷過同愛過佢，所以我唔講。（蔣家旻同裕美否認喎！）我唔知，佢哋有佢哋嘅講法，我有我知情。」

雯雯上載日出照，寓意一切重新開始。

莊端兒強調與張致恒沒有錢銀轇轕。