入行25年的無綫藝人林敬剛，完成中三課程後入讀少年警察訓練學校，畢業後在機緣巧合下獲監製賞識，做臨時演員闖娛圈。經常飾演惡人、反派而為人熟悉的他，現實中卻正正相反。他亮相東網節目《娛場》，坦言曾想放棄做幕前，幸得太太鼓勵堅持夢想，他更趁機向太太發表「愛的宣言」，冧讚太太是演藝事業歷程中最大的得着：「最感恩係識咗我老婆，佢做旅行社，咁啱嗰陣我拍旅行特輯，佢負責帶我哋去拍攝而認識，所以如果唔做呢行可能就識唔到佢。」

林敬剛指年少時曾嫌角色不起眼而推戲，但現時就明白演員亦是一份工作，「發夢」之餘也要考慮收入，又自爆曾為繼續演藝夢，不惜做魚檔、運輸、波鞋生意等各行各業維持生計，他豪言：「我唔衰得，就算衰都唔可以衰到貼地！」

而在年初播出無綫劇《鐵探》後，他飾演的「阿喱」一角令他更深入民心，惟雖然角色入屋，不過有時觀眾卻未知他叫甚麼名字，更試過有人用「呢隻嘢」去稱呼他，他說：「其實可以尊重啲，我係人嚟嘅，我雖然唔係明星，但係一個演員。」

https://bit.ly/32Yo10a