關智斌返港嗌無奈
Steven爆出連串醜聞，令他與關智斌（Kenny）的組合BOYZ首個紅館騷煞停，本來身在布吉拍攝演唱會宣傳片的Steven潛逃返港玩失蹤，獨留Kenny痛哭向粉絲道歉撐大局，前晚Kenny亦抵港，透露Steven已跟他聯絡交代事件，雖然他明白同理解，但覺得好無奈：「我有叫佢出嚟面對大家，要負番應有嘅責任。」對Steven被爆連串「情史」，他驚訝說：「我知嘅同大家知嘅差唔多。（傳佢向啲女友借錢，你哋有冇錢銀轇轕？）我同佢冇乜點計。」網民提議他跟張敬軒拍檔開騷，他則說：「好似講笑話咁，但我笑唔出。」
英皇唔追討賠償
BOYZ的演唱會籌備得如火如荼，據知主辦商英皇娛樂損失至少七位數字，Kenny為演出亦推掉電影及廣告等工作，保守估計也損失七位數。問英皇可會向Steven追究索償？英皇高層霍汶希說：「英皇係唔會向Steven追討賠償，始終佢係英皇培養出嚟嘅藝人，況且佢依家係需要幫忙，我哋唔會加重佢嘅負擔，希望今次係好好嘅經歷，令佢改變自己，成熟地處理依家嘅所有問題，亦希望所有被傷害嘅人早日釋懷，饒恕佢！」
