「蜜友」鄧萃雯捧場 陳潔儀驚嚇走追求者
歌手陳潔儀（Kit）、李幸倪（Gin Lee）和江海迦（AGA）前晚舉行音樂會，三女首度同台演唱，Kit大讚兩位後輩唱功了得，又笑Gin Lee十足細路女︰「喺台度見到佢嘅表情好得意，會畀佢9分，剩低1分係畀佢進步空間。」Gin Lee化身小Fans說︰「可以同Kit同台好夢幻，好似發緊夢咁。」而AGA亦笑說︰「就算綵排唔係自己部分，都會留低聽Kit唱歌。」
提到Kit的閨蜜鄧萃雯專誠捧場，對於被傳兩人變「同性蜜友」，她笑指要趁機澄清二人是好友關係：「網上啲人亂講。（畀人誤會係同性蜜友會嬲？）嬲？係好好笑，其實我哋都抵死嘅，張相我個樣有啲似男仔咁，我錫佢面之嘛。有啲朋友好戇居，以為我哋係。（驚嚇跑追求者？）會怕o架！我哋兩個最驚呢樣。」
