李彩華床戲絕迹
藝人李彩華（Rain）及李國祥等，昨午在天后出席舞台劇《恆河經變》記者會，並以劇中造型登場。今次接演這齣佛教舞台劇，作為基督徒的Rain直言內心經過多番掙扎：「搵牧師同鄭明明傾過偈，我本身亦有祈禱，覺得好鍾意個角色，大家都贊成我演，今次係不同宗教嘅好開始。（點解會搵你？）我唔識佢哋，只係收到電郵，可能我喺內地有市場（舞台劇屆時設內地直播）、戲好又Keep得好啩。」
繼續趕劇未Plan B
舞台劇將於9月在港演出5場，Rain將一人分飾兩角，其中要扮演「九色鹿」：「衣着會好貼身。（老公批准？）呢啲佢冇所謂，只要冇錫戲，唔係愛情床上動作片就得。（依家戲路有限制？）唔知點解，結咗婚之後冇類似嘅戲搵我，即使啱啱同羅嘉良拍完嗰套都冇。」問到完成舞台劇演出後，會否按計劃休息，準備佗B？她說：「未得住，仲有套劇10月復拍。（開始調養身體？）我飲開中藥，而且身體幾好，不過依家又好似覺得自己未Ready咁。」
李國祥催眠老友
Rain劇中與李國祥演情侶，奈何最終因男方家人反對而分開，李國祥笑稱現實中只接受「兩情相悅」。他又在台上透露考獲催眠師牌，平日有幫朋友「做諮詢」解除心結。
