老婆浸浴休克 鄧健泓驚到報警

歌手鄧健泓（Patrick）與趙慧珊（Aka）昨日出席前有線主播嚴崇天的新書宣傳活動，Patrick透露日前太太石詠莉浸浴時發生意外：「嗰日佢做完運動後浸熱水浴，突然聽到佢大叫『老公唔掂』，佢話見暈，我即時抱起佢，但佢已經冇知覺，反白眼兼休克，我抱咗佢上床，手腳黑晒同隻手抽筋，我驚到報警，救護人員問我哋係咪鬧交，因為太太係過度換氣綜合症，情緒激動就會發生，應該係佢浸浴時瞓着咗唔夠氣，不斷吸氣而引致，今次覺得最接近我會冇咗佢。（有冇送院？）冇，救護員畀氧氣佢吸。」並笑言以後要看着老婆浸浴才放心。