胞兄探望：今轉普通病房
任達華仍然留醫，琦琦的助手昨午約12時到醫院樓下，走到她的七人車拿了燒鵝外賣，之後再接曾任職警務處副處長的任達華兄長任達榮和兩名家人上樓探病，任達榮禮貌地說：「辛苦晒！」問胞弟情況如何？他豎起手指公說：「出嚟話你哋聽。」
他和家人逗留至2時半離開，似乎鬆了口氣的他透露任達華剛睡醒，精神好好，問是否仍留在ICU？他說：「暫時係，要做啲follow up嘅程序，已經可以食普通食物，聽（今）日應該轉去普通病房。（傾到偈？）分享吓，尋（前）日嘅不幸事件咁囉！」又指胞弟傷口還有點痛，至於手指進展如何，他說：「有做follow up，應該ok，多謝大家。」
約3時許，英皇老闆楊受成和太太陸小曼到醫院探望，逗留20分鐘離開，楊受成說：「佢（任達華）做咗手術好成功。（手指點？）冇事、冇事，精神好好，手指可以郁番，唔該晒！」