藝人黎美言昨日出席小朋友才藝選拔賽活動，即場招募他們學習拳擊舞蹈，她透露其創立的拳擊學校近日獲得不少獎項，並坦言生意不易做：「做咗生意先知道真係好難，所以依家都專心做生意，冇乜時間陪屋企人。」又指幸好另一半並冇投訴，反而欣賞她這麼努力。
同場的森美大讚一對仔女甚有表演欲：「仔女由細到大都參加好多比賽，希望佢哋放膽表演，但阿仔愈大就愈細膽，有啲似我。反而阿女周圍去表演，但我覺得唔緊要，唔係個個都鍾意表演。」談到在英國讀書的細仔最近返港放暑假，他笑言逼仔女陪伴自己。
