張雪瑩密會有米CEO傾足3粒鐘

張雪瑩參選2013年港姐落選後，加入無綫拍劇。

日前她被目擊現身深水埗一商場，與一名男士在咖啡室密會，見二人揀選隱蔽位置，全程交頭接耳講不停，態度親暱，傾足三小時後齊齊離開。

據知該男士是內地影視公司「人人娛樂」行政總裁廖寶軍，曾經擔任過內地藝人黃奕及內地劇集《如懿傳》「嘉貴妃」辛芷蕾的經理人。此外，他又曾投資開拍電影《大武生》、《我要再來一次》及《逃出重圍》等，除身家超過千萬人民幣外，在內地影圈地位亦頗有分量。

開拓內地市場

昨日本報向Cherry求證，問到男方是否其男友？她隨即否認，並透露已與無綫結束賓主關係，當日是與對方洽談合作計劃：「我啱啱離開咗無綫，主持、拍劇、綜藝都試過晒，好多謝公司畀機會我，都叫做圓夢，所以睇吓同佢有咩合作，因為我其實諗住轉行，屋企人想我返北京幫手打理生意。（同對方傾幕後合作？）幕前幕後都有。」她又謂若到內地發展，有信心能適應，因家人亦在內地，自己常常中港兩邊走。

張雪瑩相約影視公司的CEO廖寶軍見面。

兩人在咖啡室密會3小時。