鍾嘉欣開通任囡囡發揮

藝人鍾嘉欣回港並於昨日舉行新歌《做你的晨曦》見面會，由於之後到新加坡工作，行程緊密故沒有帶仔女同行，但心繫一對寶貝：「3歲囡囡話會用爹哋部電話打畀我，覺得佢懂事咗，會畀我出去做嘢，好感動。」又感恩囡囡幫手為11個月大的弟弟抹面，又踢爆愛女貪靚，除了偷用其化妝品，之前齊拍MV時又要搵人化妝Set頭，照鏡自讚靚女，還擸咪扮她唱歌手勢，唱高音時更投入到皺眉，相當得意。