湯洛雯黐實同性友人海邊放狗談心

靚湯與同性好友拖住愛犬到海邊漫步談心。

無綫小花湯洛雯與羅天宇的感情維持4年，最終分手收場，之後有指天宇對靚湯未忘情，惟她不為所動。分手近兩年，早前兩人為無綫再「合體」遠赴挪威拍節目《3日2夜》朝夕相對，不少網友指他們舉止曖昧，又讚二人很登對，希望他們復合，但單身的靚湯卻斬釘截鐵Say No，還稱兩人現時只保持朋友關係。

搵岑杏賢陪食

不愁寂寞的靚湯，日前下午2時許，穿長裙拖愛犬在寓所樓下散步，期間狗有三急在街頭解決，完事後，她即拿出水樽沖洗善後，之後折返大廈停車場。未幾見好姊妹岑杏賢及一位中性打扮的同性友人前來，由靚湯做司機駕車前往淺水灣，往沙灘旁邊一間餐廳會合數名早已在場的男女友人。

開完餐做司機

起初靚湯帶住愛犬跟男友人的狗狗玩耍，全程望住愛犬，視線不離。食至中段，她與同性友人離隊拖愛犬到海邊散步，沿途兩人邊行邊傾，期間輪流牽引狗帶，而狗狗對該名同性友人並不抗拒，還乖巧讓她拉着，可見人狗十分熟絡，兩人放狗期間密密斟，之後才歸隊繼續開餐。回程時，靚湯再做柴可夫載對方及岑杏賢等離開。

靚湯約埋岑杏賢（左二）與好友共聚。

靚湯望實愛犬跟友人的狗狗玩耍。