楊愛瑾湊兩個鬥智鬥力

楊愛瑾（Miki）昨日與洪卓立等出席活動，育有一仔一女的她表示，暑假會帶兩歲多的大仔到處玩，而非上興趣班：「會帶佢去有大草地嘅地方畀佢跑，同有滑梯玩。」又呻湊兩個小朋友比做藝人時連踩19個鐘更辛苦，除因以前較年輕外，照顧小朋友更是鬥智鬥力，忙到連約朋友的時間也沒有。對於與傳不和的舊姊妹吳雨霏同日為小朋友開Party，搞到好友鄧麗欣要走兩場，她笑說：「我都唔知，冇嘢嘅，不過都冇人投訴，香港人慣咗步伐咁急促。」
Miki湊兩個忙到踢晒腳，連見朋友都唔得閒。
Miki湊兩個忙到踢晒腳，連見朋友都唔得閒。

至於洪卓立則表示在眾多電影英雄人物中，最想演「蝙蝠俠」，他說：「可以救人、有靚車揸、有錢又多女鍾意，呢啲係我現實生活中冇嘅嘢。（想多幾多女鍾意？）斷百計啦！」又自爆10年前已少女仔鍾意，中二初戀也只維持一個月。

洪卓立自嘲冇乜女人緣，希望多錢又多女。
  • 洪卓立自嘲冇乜女人緣，希望多錢又多女。