主持人重提里奧仔舊作《鐵達尼號》（Titanic）片尾捨己救愛人的經典戲，問他有否想過那道門其實可容納到Jack（里奧仔角色）？里奧仔即時面紅兼以笑遮醜回答：「我唔評論。」之後畢佬與瑪歌繼續寸他。畢佬追問他當時能唔能夠上埋去？而瑪歌就形容那場戲是「現代電影之中最大的爭議」。里奧仔即和應：「係史上！」之後瑪歌繼續咬住唔放問：「你嗰時有冇畀意見？如『我哋係咪應該整道門細啲，等我……」里奧即插嘴翹埋雙手無奈答：「一如我所講，我唔評論。」
片段出街後惹來網民熱議。其實里奧仔如此尷尬是因《鐵》當年上映時，已有好多影迷爭論，認為該道門可容納女主角Rose之餘亦可容納Jack，故他根本不用死。