焦媛又同廖安麗爭仔！

舞台劇演員焦媛與廖安麗昨日為舞台劇《色戒》宣傳，兩人分別飾演王佳芝及易太太，焦媛被問到尺度時笑言：「依家唔興視覺上，我哋追求藝術性，一切以戲行先。（有情慾戲？）集中喺台詞同身體接觸，會同電影唔同。」廖安麗則指性感在骨子裏：「表面嘅色慾就唔啱我！呢套戲真係唔容易做，係大挑戰。」焦媛又透露兩女會有場大膽戲，笑言繼上次合作後又要「爭仔」。問到可有留意男友高志森被指斂財、霸道及欺凌剛出道的人？她說：「要調解吓。（男友有冇同你講？）冇啊！我大半年都喺內地巡演。（你哋感情冇變？）冇！我不嬲做戲就集中，舞台係第一位。」