JW金曲升呢經典唔認老前輩
歌手JW（王灝兒）出席音樂節目記者會，笑言想不到三年前的歌曲已成為流行經典，但絕不承認已榮升前輩，又表示想跟主持胡楓Jam舞。
藝人胡楓、陳敏之、鄭俊弘與譚嘉儀昨日以主持身份出席TVB節目《流行經典50年》記者會，獲近50位不同年代的歌手撐場，包括商天娥、葉振棠、王馨平、呂珊、黃翊、JW（王灝兒）、石詠莉與狄以達等，齊齊獻唱改詞版《世間始終你好》。
JW表示曾上節目幾次，唱過《矛盾一生》：「首歌三、四年前，原來已變咗流行經典，時間過得好快！（變咗老前輩？）未！自覺仲係好新，有時都會同啲前輩合作，喺佢哋身上學到好多嘢，覺得佢哋好Funny、好Cute。」又指昨日推出新歌《逃生門》，歌曲很有挑戰性，MV更有落淚場面。
暫定13集 請唔晒好友
擔任新一輯主持的胡楓表示暫定做13集，再看情況是否繼續，問到會否不夠集數請齊朋友？他說：「係啊！每次三、四位，請唔晒o架！（請啲契仔契女？）睇佢哋意願，我係做好主持、唱歌工作，其他咩都唔理。（唱多啲跳舞歌？）都有少少，但我87歲喇！我唱都係50年前嘅歌，希望觀眾有共鳴，一定要唱《百花亭之戀》，同觀眾大合唱，氣氛高漲啲。」
至於商天娥表示在節目中唱經典劇集歌時，會勾起以往拍攝的花絮片段，問到何時再拍劇？她說：「依家每一、兩年都會演舞台劇，過咗癮，拍劇就睇緣分。」
