黃芷晴張曦雯情敵聚頭玩失憶

芷晴（左）同Kelly原來係幼稚園同學，仲要超老友！

Kelly、芷晴與林奕匡太太李靄璣現身品牌活動，本以為Kelly與芷晴入行才認識，原來她們曾是同學兼情敵！芷晴透露大家是幼稚園同學，更大讚Kelly：「佢細個已經好靚、好高，高我半個頭！」又指彼此是好朋友，Friend到喜歡同一個男同學，Kelly聞言笑說：「係咩？呢個真係唔記得，邊個男仔呀？」雖然遺忘了「情史」，但她相隔多年仍記得芷晴，全因她有個星爸：「點會唔記得！佢爸爸係黃日華，成日嚟接放學，當時同佢係最好朋友，一齊排隊又一齊玩。」

除了芷晴外，Kelly指演員黃庭鋒都讀同一間幼稚園，莫非兩人喜歡的就是他？她笑說：「唔係佢啦，佢高我哋兩級o架！」

開工作室唔靠星爸

Kelly表示稍後會與羅天宇到南非拍旅遊特輯，為期兩周，今次有別以往，會做義工，學習照顧及餵飼動物。記者提醒在南非拍外景要小心夜遊，她說：「會呀！其實拍旅遊節目都好攰，夜晚唔會再出去玩啦，所以好安全。」

黃庭鋒是同校生，莫非他就是芷晴及Kelly的暗戀對象？

李靄璣紮孖辮亮相。

至於芷晴透露朋友有意和她合資開首飾工作室，正在計劃，預計投資六位數，問到父親可有金錢支持？她即說：「錢唔使啦，反而我會執整齊啲間屋，成日畀佢話好亂。」