單文柔降呢「二奶」呷小豬比醋

單文柔自爆停餵人奶，準備復出幕前。

單文柔（Phoebe）今年4月為陳展鵬誕下女兒「小豬比」後，昨日首次出席公開活動，她表示早前已返公司擔任兒童節目嘉賓：「當係Warm up，都好開心，但太耐冇出鏡，有少少緊張。」講到湊女點滴，她笑言既享受又緊張：「佢好易湊、好少喊，所以一喊我就要搵係乜原因，我係緊張媽咪！主要係我同工人姐姐湊，展鵬依家放假會多啲時間湊女，佢一起身就要睇個女，有時要叫佢幾聲先聽到我嗌，我依家係排第二。（有冇呷醋？）多多少少都有，但係自己個女都OK。」

問到是否全面復工，Phoebe指要等公司安排，至於會否怕工作時間太長而暫停拍劇？她說：「要兼顧咗屋企先，因為小朋友仲細。（出去做嘢會好掛住個女？）會！我今日出門口唔記得同囡囡講再見，我都即時打電話返屋企同佢視像。（依家有冇餵人奶？）已經停咗，因為好辛苦，而且我想工作。」

單文柔與楊洛婷出席活動，交流湊女經。

陳展鵬被爆放假只顧湊女，冷落嬌妻！

楊洛婷年底再造人

同場的楊洛婷表示今年12月是與Dear Jane主音老公Tim的結婚五周年，計劃一家人到夏威夷慶祝：「我唔知Tim有冇時間飛，但我直接同佢公司講咗！」希望在夏威夷成功造人。又指最近為拍收身廣告而積極操Fit，一個月減掉4公斤。