Cheronna少女情懷廣播劇尋愛
組合Super Girls成員Cheronna昨日到電台錄廣播劇，勾起她中學參加廣播劇比賽的回憶：「同同學一齊寫劇本、分配角色，又會整啲背景，我都覺我哋幾專業。」又笑言小時候會聽廣播劇的愛情故事：「會有好多幻想，對上一次聽廣播劇已經係中學嘅事，仲記得有森美，廣播劇真係青春嘅代表。」
問到錄廣播劇可有困難？她說：「好玩，唔覺得難，如果想演愛情戲但冇得演，我會喺廣播劇做多啲。」她又指錄製的廣播劇是關於珍珠奶茶殺人事件，笑說：「如果Super Girls入面，我應該會係最後一個畀珍珠奶茶殺死嘅人，因為我唔鍾意飲，但第一個被殺嘅應該係Aka，因為佢最忍唔到口，抵受唔到甜嘢嘅誘惑。」