任晴佳長腿煞食擺Po唔使教
名模琦琦與任達華愛女任晴佳（Ella），遺傳父母優良基因，14歲身高已有1米75，修長美腿最為煞食。無意入娛樂圈的Ella，獲父母開綠燈為雜誌拍攝靚相，拍攝時她還拍下花絮相，由於照片以低角度拍攝，顯得其雙腿更修長，穿上及膝絲襪加高跟鞋，已散發名模氣質。
琦琦透露今次讓女兒拍攝，只想給她有個經驗：「佢一向都唔鍾意影相，但知爹哋媽咪做呢行，難免會畀人影，我有問過佢影唔影，佢話冇問題，影嗰日我同老公都有陪佢。（有冇教佢擺甫士？）冇，佢有自己意見。」Ella於本月12日開通Ig及微博，問到是否準備進軍模界？琦琦說：「唔會，依家都係以讀書為先。」