崔碧珈拋G奶呂佳容張若錡輸到見底

多位推出寫真的藝人昨日到長沙灣出席活動，崔碧珈（Anita）身穿低胸運動裝大晒G奶，模特兒張若錡（Angus）及台妹黃語辰以低胸裝還擊，Angus及內地女星呂佳容先後不慎露底，楊卓欣則扮學生妹。

Anita早前特別增肥15磅，親身做實驗以「生酮減肥法」減磅，成功於兩周內減去18至19磅，更瘦人不瘦胸。她表示今次性感程度勁爆，不乏穿內衣食嘢的照片：「主題講食嘢都減到肥，着住內衣係表示隨時隨地都可以食嘢。有啲相係放好多食物喺身上，網友問會唔會浪費食物，其實嗰啲食物係餐廳本身要掉嘅。」

楊潮凱開拓同志市場

男藝人代表楊潮凱以型Look到場，問到如何突圍而出？他笑說：「大家都知我仔細老婆嫩，希望可以買本寫真助養我！（下年再出？）驚佢哋蝕錢呀！因為我對於紙質、物料都好高要求。」並透露今次最大尺度是穿泳褲，問到為何不露股？他笑說：「唔夠靚，而且袁偉豪舊年露咗，驚比較。（怕唔怕出寫真引嚟同志垂青？）唔怕，多個角度睇，而且開拓多個市場都好！」

呂佳容	呂佳容有粉絲聲援，風騷派心。	張若錡着低胸裝迎戰，可惜戰鬥力不高。

笑陳偉霆零進步

至於呂佳容表示今次寫真照片露肉程度不高，直言不想太暴露影響將來交男友。講到曾合作的陳偉霆講英語早前成為熱話，佳容表示他的英語其實算不錯，比普通話好，更笑其普通話多年也沒有進步。

台妹黃語辰狀態麻麻。	楊潮凱率先晒寫真中的泳褲照。	楊卓欣着水手服扮學生妹。