連詩雅「唱」朋友情史
歌手連詩雅（Shiga）昨日到電台宣傳新歌《過路人》，表示已超過一年沒有上電台派歌：「好感動，又有啲緊張，咁耐冇派歌都有諗Fans會唔會唔記得我，但首歌反應幾好，原來大家冇忘記我。」
她透露歌曲似自己之前的情歌：「呢首歌係講從來冇得到感情嘅人，你同唔到嗰個人行到最後，你就係過路人。（你自己嘅經歷？）唔係，係朋友嘅經歷，不過我諗好多人都經歷過單戀，或者一廂情願嘅經歷。」她又謂希望唱多些不同類型的歌，唱到劇集歌都很開心，笑言之前出了首劇集歌，吸納了長輩朋友唱她的歌，感覺幾得意。