馬國明唔介意歌藝被踩

藝人馬國明昨日出席商場活動，提到不少觀眾期待電視劇《白色強人》開拍續集，他稱要視乎監製決定：「佢哋未有指示，要睇監製同編審嘅意向，開續集唔係睇觀眾反應好唔好，而係睇個故事可唔可以發展落去。（你想唔想？）我冇乜所謂，睇編劇有冇空間寫落去。」有指他經常飾演醫生，他笑言以前訓練班初出道的確演過醫生甲乙丙，但正式角色只是演過四次，不算太多。