Aka吼中銀主盤
女子組合Super Girls成員Aka及Cheronna昨午現身尖沙咀出席環保活動，Cheronna自爆與男友黃奕晨的「行山情緣」：「去行山嘅時候朋友介紹認識嘅，經過大約半年嘅相處之後開始發展。（如果結婚要山上行禮？）我哋喺龍脊初次見面，點都會返去嗰度影婚紗相。」
Aka則笑言被好姊妹放閃閃盲，單身的她靜待「好介紹」。Cheronna說：「佢鍾意乖男仔，有介紹嘅話我都會幫佢篩選過先。」此時Aka突然禁不住少女心，自爆「鍾情」馬國明：「擇偶條件都要似佢。（佢依家係銀主盤，幫無綫拍劇啦！）都想拍劇，同馬國明演對手戲，希望大家可以幫我穿針引線。（搵馬國明拍MV咪得囉！）都係一個好提議，嚟緊嗰隻歌可以考慮。」對於馬國明年紀較她大一截，Aka說：「拍拖從來唔會考慮年紀問題，最緊要喜歡。」