李靖筠懶理男友宅女愛回家

英皇新人李靖筠（Gladys）配合新歌《小蚊赧》，昨日舉行手工蚊香工作坊，但她自爆手工超差：「好唔鍾意做呢啲嘢，好冇耐性。」問到可有整過手作給男友？她笑言：「呢啲反而我有心機，但整畀自己就冇心機，我試過用襪縫咗啲公仔畀男友，整咗個動物園出嚟，有大笨象、兔仔。」

問到平時可會與男友一齊整公仔？她即說：「唔會啦，平日咁攰仲搞呢啲嘢，我淨係想攤吓算，一齊叫外賣睇電視最有情趣。（男友唔會投訴你太宅？）冇喎，如果佢想出去就自己出，我留喺屋企就得，如果佢逼我出街不如唔好拍拖，每日工作已經好辛苦。」她透露將推出第二首新歌，並計劃年尾出EP。