黃翠如養B要出世就識行
女星黃翠如昨日出席活動，表示今次順道為年底結婚的組合農夫成員C君謀福利，向店舖爭取優惠。身為婚禮唯一「女兄弟」的她不想穿裙和高踭鞋，C君打算給兄弟團買名牌禮服，但被她拒絕：「我話慳啲錢啦，等我去深水埗搵咪得囉！」問到是否擔任其婚禮統籌？翠如說：「又唔算，C君好多嘢都親自搞，我只係小幫忙。」
講到是否補身準備「造人」？她說：「我嚟緊仲要拍節目，邊補邊拍節目就真。（唔心急生B？）老公話想搵個BB一出世就識照顧自己，識行識走。不過佢好有愛心，比我更有愛心，可以同C君隻貓玩幾個鐘。（適合做爸爸？）肯定適合養貓同狗，我屋企隻狗仔去完廁所佢會幫手清潔。（你呢？）我唔會o架！隻狗好黐佢，我懷疑隻狗係HeHe，但有閹嘅！（即係曹永廉？）咁阿廉應該冇閹喎！」