蕭正楠林夏薇拍靈異劇輪住病

阿蕭、薇薇及劉佩玥等昨午到將軍澳一所小學宣傳《十二傳說》，阿蕭與薇薇受訪時談到兩年前拍畢該劇後就面臨「人生轉變」，阿蕭笑說：「拍完我飛去結婚，薇薇咪『退休』囉！其實我哋拍完《公公出宮》之後好想再合作，本來薇薇今次唔拍，後嚟都接咗。」記者打趣指阿蕭的吸引力大過老公，薇薇即笑說：「我鍾意個劇本咋！」

劇集題材涉及靈異事件，問到拍攝時的「難忘經歷」？他們不約而同說：「喺達德學校外景時，真係感覺到啲寒意，攝錄機屏幕突然之間冇咗信號！新娘潭外景嗰陣嚟探班嘅前輩杜燕歌跣一跣受傷，休息咗三個幾月，老人家真係唔跌得！」又表示拍攝期間先後病倒失聲，惟有頂硬上。

林子善心痛老婆孕吐

同場的林子善提到太太有喜四個多月，即笑不攏嘴，並透露太太佗B情況：「佢好容易作嘔，少少味已經頂唔住，母愛真係偉大！」講到今次佗B女，他說：「太太好開心，我就覺得仔女都冇咩問題。」並透露太太預產期為12月，笑言是最好的聖誕禮物。

蕭正楠	黎燕珊開工撞番老友，感覺分外親切。	劉佩玥晒腿谷劇。

黎燕珊回歸大家庭

另外，黎燕珊表示《十》劇是她加盟無綫的第一套劇集：「好似個大家庭咁，又撞番邵氏訓練班嘅老同學歐瑞偉。（有冇靈異事件發生？）冇，不過劇集拍完新娘潭事件後，身邊就有位朋友嘅仔仔喺該處撞車死咗，都有啲毛骨悚然！」