傳「龔水戀」嚟真 呂慧儀：唔諗拍拖！
36歲藝人呂慧儀（阿蟹）今年3月宣布與黃文迪離婚，有傳她與處境劇《愛．回家之開心速遞》38歲拍檔張景淳的「龔水戀」戲假情真，更被拍到拖手睇戲，並一起返回香閨。
阿蟹昨日如常返電視城開工，否認拍拖，現時以工作及兒子為重，對於「過夜」則說：「冇！我嘅生活就係《愛．回家》同湊仔。（有冇發展機會？）唔諗拍拖，我冇時間。（今次得兩個人？）我哋兩個熟啲，對手戲多。（避忌唔出街？）我哋都冇時間一齊出街，都係工作前前後後。（話你哋拖手？）拖乜手？邊有！（拍拖要過囝囝嗰關？）如果將來拍拖當然要，佢係我生命最重要一部分。（佢鍾唔鍾意『龔燁』？）佢鍾意所有《愛．回家》演員，佢有睇我哋，但白色情人節嗰集佢睇完嬲咗。」
至於張景淳表示兩人只是拍檔關係，問有否發展空間？他說：「大家拍劇都係一家人咁，又係合作無間好拍檔，最想拍好啲劇先，唔諗發展。」