林穎彤撐師姐：唔會做垃圾蟲！

歌手林穎彤昨日到中學獻唱，並透露快將推出新歌，稍後亦會拍MV。她坦言有留意同門師姐譚嘉儀被投訴在石灘拍完MV遺留道具破壞生態環境，出面為對方護航：「記得佢講過當日拍攝經歷咗四季咁，可能一時間幕後製作人執漏！通常拍MV完成咗自己部分就會走，將啲嘢交畀工作人員，咁就冇留意到，大家都冇心嘅，希望當事人、投訴人唔好嬲。好似即刻有工作人員去處理番，導演都有寫道歉文。（稍後拍嘅MV都係同一個導演？）係！（會唔會執晒啲嘢先走？）我哋會留意，星夢上下都會留心，唔會做垃圾蟲，我哋都唔係有心！」