認戀「A貨雷神」黃嘉雯自爆德國艷遇

候選港姐黃嘉雯（Carmaney）昨日變髮後改變不大，但她坦言滿意效果：「因為我啲頭髮好厚，所以髮型師幫我剪薄咗，冇染到顏色，因為之前剛染完。（滿意嗎？）滿意！簡單自然。」
黃嘉雯有男友撐腰，信心大增。
黃嘉雯有男友撐腰，信心大增。

曾代表香港到東京參加2018國際小姐的她答傳媒問題時相當「老練」，問到之前被本報拍得與「A貨雷神」拍拖？她說：「係呀！我畀佢知呢個名先，我哋拍咗一年多。（怕影響選情？）拍拖好正常啫！（佢摸你大髀喎！）角度問題啫！佢好支持我選美。（會否叫身邊啲朋友投你一票？）佢鍾意啦！（點識？）旅行識嘅，大家有共同朋友，我本身有朋友喺德國住，我探朋友時同佢認識，佢依家喺香港做嘢，但佢係圈外人，大家畀啲空間佢啦！（佢係咪你結婚對象？）我每次拍拖都係咁諗。（入咗圍多咗信心？）一定全力以赴、做到最好，呢句嘢係由心而發。」

黃嘉雯早前被拍得與「A貨雷神」拍拖兼摸大髀。
  • 黃嘉雯早前被拍得與「A貨雷神」拍拖兼摸大髀。