衛蘭識寫自己中文名

歌手衛蘭昨日到電台出席電視劇口述影像的活動，她表示收到劇本後會寫成拼音：「有啲講得好快嘅好難，其他都OK，之前做過動畫配音，都差唔多。（難唔到你？）好快嗰啲囉，好似Rap。（中文進步咗？）係呀！」她表示今年開始學中文：「識寫自己嘅中文名同中國數目字。（點解突然學？）因為想學多樣嘢。」又透露還想進修畫畫：「要睇吓啲時間先。（公司放你去讀書？）可以，佢哋畀我做想做嘅嘢。」她謂可能讀一年或一個暑假，想在香港或英國讀。問到可會想開畫展？她說：「之前香港開過，想再開。（儲緊畫？）依家儲咗廿幾幅，但有啲都送咗畀朋友。」