簡淑兒女追男自嘲姣唔起
藝人簡淑兒於新劇角色的性格巴辣兼男仔頭，遇上心儀對象便主動出擊，她直認現實中亦曾試過倒追男仔，雖然成功過關，但最終分手收場！現時的她愛情觀有所改變，揚言不會再相信男士的承諾。
簡淑兒（Jessica）最近於無綫新劇中飾演「村長」李國麟及黃淑儀的女兒，入行短短三年，她慶幸遇到不少好前輩，令其獲益良多：「淑儀姐好勁，呢秒講笑下秒就可以喊，我遇到呢啲場口就要匿埋培養情緒。」
嗲男友被指作狀
與角色同樣男仔頭的Jessica，笑言劇中要「發姣」追男仔但弄巧反拙，現實原來亦曾試過嗲前男友，卻被對方指作狀，認真慘情。她又自爆曾於大學畢業那年主動追心儀男士：「當時佢要飛走，我趁最後機會同佢表白，佢唔係中國人，我用英文問佢，最後成功，不過因為Long D，拍咗半年就分開，佢覺得我忽略佢。（令你愛情觀唔同咗？）我唔相信承諾，唔鍾意男仔答應我任何嘢，只要求對方有上進心，女仔最怕睇唔到將來。」
甩拖後一度崩潰
單身多月的她，表示與前男友因性格不合分手，雖然過程有點崩潰，幸有朋友聽她傾訴，現已慢慢走出陰霾，問到是否已Ready接受新戀情？她說：「我想多啲工作先，唔諗咁多反而仲好，以前拍拖會想結婚，依家就隨緣。」
服裝：Stylenanda HK