何猷君 奚夢瑤領證結婚
賭王何鴻燊四房兒子何猷君，5月在上海向拍拖年多的國際超模女友奚夢瑤求婚成功，昨日二人同時在網上宣布在內地領證結婚，相中奚夢瑤更從後擁抱老公，並搞笑說：「右邊這個人真有眼光。」而猷君亦「回禮」說：「左邊這個人才有眼光。」婚禮定於明年舉行，未知會否與家姐何超盈一起舉辦，喜上加喜！
四太：生愈多愈好
早於4月已傳有喜的奚夢瑤，5月求婚儀式上肚凸凸，本報聯絡上身在日本的四太梁安琪，談及猷君已領證，她衝口而出說：「唔係嘛！（冇話你知？）我以為佢之前搞掂咗，算啦，呢啲嘢佢哋自己搞，唔好煩我。（奚夢瑤有咗？）呢樣要問佢（猷君）。（對上一次幾時見？）成日見。（有冇覺得佢肚凸凸？）唔覺喎！」早前超盈過大禮，四太豪送10億豪宅，問到送甚麼賀兒子？她說：「稍後過大禮，我都唔會手軟嘅。（希望新抱佗B仔？）呢啲嘢冇得講，要睇佢哋造化，我唔會畀壓力，總之愈多愈好。」問到覺得新抱如何，她說：「幾好，好乖女，十分滿意，我畀滿分。」並指賭王已得知猷君領證。
