林子善造人成功：期待小公主來臨
藝人林子善結婚近兩年，昨日在社交網上載超聲波照片宣布太太懷孕，準備做爹哋！
林子善與圈外人董佩欣2017年結婚，婚後不時在網上晒合照放閃。兩人向來喜歡小朋友，子善昨日在社交網上載一張超聲波照片宣布「造人」成功，留言指非常期待新生命，亦感謝太太的辛勞：「期待小公主的來臨，你要乖乖，身體健健康康。懷胎10月辛苦晒大寶貝，睇得到、感受得到做母親真係好辛苦，大家真係要孝順父母，學懂感恩父母養育之恩！」字裏行間難掩其喜悅之情。
努力賺奶粉錢
子善接受本報訪問時表示有BB是計劃內的事，一直有調理身體：「由預備到有咗都係三、四個月，當中亦有調理身體。有日我沖完涼，太太彈出嚟畀支驗孕棒我睇，話有兩條線即係有咗！我知道之後好開心，太太本身都好鍾意小朋友！」明言現時會更努力工作，賺錢養家，而其好友包括張繼聰、陳敏之和姚子羚等紛紛留言送祝福，戥他高興！