黎諾懿搞到Ali變少女
黎諾懿昨日到電台宣傳節目《懿想不到》，他表示嘉賓方面有鄭伊健、薛家燕、李家鼎及李佳芯（Ali）：「佢哋都係我好緊要嘅朋友，Ali最開心，大家知佢身體唔好，我話有個節目叫佢嚟玩，唔使記對白，初頭佢唔信我，到第三、四日就變番個少女，希望大家見到嘉賓另一面。」
他透露10月將原班人馬開拍《BB來了2》，講BB開始讀書產生問題：「我個仔出世後，事業同小朋友掛咗鈎，所有嘢都唔使實習。（呢套劇諗住挑戰視帝？）其實每一套都挑戰，但每次都冇人理我，就快出街嘅《街坊財神》我挑戰視帝，《懿想不到》就挑戰最佳節目主持，攞唔攞到係一回事，要畀自己目標。」
