曾樂彤屢遭「毒害」誤飲檸檬酸傷喉

現年25歲的英皇歌手曾樂彤前晚在社交網留下「死亡預告」：「可能呢條係我最後一條片」，事緣她誤飲洗煲用的檸檬酸，「中伏」後再發現檸檬酸的包裝上註明「危險」，昨日她受訪報平安時聲音沙啞：「我仲在生，放心。」並拍下豎起拇指、寫住「I am okay」的素顏相證仍健在。問到事發經過？她說：「我斟水飲，覺得啲水酸酸哋，仲以為阿媽整咗檸檬水，佢見我飲咗兩啖就好緊張大叫：『唔好飲呀』，原來佢落咗成包檸檬酸浸煲，當時我好驚，但為咗安撫仲驚過我嘅阿媽，我大笑幾聲，立即灌咗大量清水，好在只係覺得喉嚨痛，冇反胃。」

食西蘭花成口泡

問為何不去睇急症？曾樂彤淡定說：「我都知曾有小朋友誤飲檸檬酸入院，不過我瞓咗一晚見冇乜事，就冇睇醫生，費事又畀幾舊水。」之前曾喉嚨痛的她，可擔心檸檬酸傷聲帶影響唱歌？她堅持是小事，還笑言當飲了濃縮版蘋果醋。原來此前她曾試過誤食洗潔精：「我阿媽好注重食物衞生，佢知我鍾意食西蘭花，但啲西蘭花好易藏菜蟲，佢就買啲洗菜劑洗，點知過水唔夠乾淨。」問她食「毒菜」後可有不適？她笑說：「冇死到，只係食到泡同有苦味，初時仲以為啲菜變壞咗，仲食晒啲菜。」

放大圖片	曾樂彤素顏自拍報平安。	不止一次發生家居「意外」的曾樂彤，自責沒小心飲食。

曾樂彤指兩件「烏龍」事都不會全怪責媽媽，自覺應負部分責任，日後會小心飲食。至於可有提醒媽媽要小心處理食物？她說：「我屋企就係咁，唔死都會有搞笑嘢發生。」

醫生：可致腸穿肚爛

香港家庭醫生關嘉美指出，如不慎飲下分量多及成分高的檸檬酸，極有可能破壞肝、腎、氣管等身體組織，嚴重可導致腸穿肚爛。她認為喝大量水將檸檬酸的濃度減低，用來稀釋體內的化學物質，屬合理的處理方法，但建議持續觀察身體有否異樣，若喉嚨仍有灼傷的感覺，應盡早求醫，並帶同該清潔劑往檢查。