張安琪烏龍泡泡浴險露全相

大玩女友Feel的張安琪咁性感，點頂！

有「甜美女神」之稱的馬來西亞模特兒兼網紅張安琪（Angela）首次推出寫真，共有十多個造型，包括時裝、內衣、男友白襯衫、裸背、泡泡浴、性感運動裝及比堅尼，而最性感是裸背，她說：「上半身空空的，只有用雙手同被褥遮住！而泡泡浴就感覺好性感，有幻想空間，今次寫真走比較女朋友Feel感覺，睇完會有戀愛嘅感覺。（下次寫真再性感啲？）有咁嘅打算，第一次可以清新啲，再出就想玩制服同再性感少少，睇吓今次銷量點先！」

賣點夠Sweet笑容甜美

日前她特地來港拍寫真，行程相當緊密：「瞓好少，拍攝時間又長，但我覺得唔辛苦，因為冇不勞而獲嘅嘢。（拍攝期間有冇難忘事？）拍攝泡泡浴嘅時候，邊拍邊發覺水減少，原來自己踩到個去水掣，超尷尬，好彩最後經理人發現得快，冇走光！」每年書展都有不少人出寫真，擔心有很多競爭對手？她笑言：「唔怕啊，來自馬來西亞嘅應該只有我，哈哈！（有咩賣點突圍而出？）我賣點係Sweet、長腿、甜美笑容、32C。」

張安琪	張安琪泡泡浴，啲水愈嚟愈少，原來踩中個去水掣！	張安琪的飲奶Look，Wow！

網上預購成績理想

其寫真集已公開網上預購，成績十分理想，馬來西亞、台灣、日本及香港都有預購，數量已經有800本，第一批限量印2,000本，對此，她十分開心：「處女寫真喺香港推出，網上粉絲朋友都預購咗好多本支持我，希望之後銷量會更好。（點樣答謝粉絲支持？）書展第一日我會嚟香港同粉絲見面合照，之後再搞見面會答謝佢哋！」