母親患子宮頸癌林秀怡孭50萬醫藥費
藝人林秀怡昨午到中環出席講座，席間提起去年確診子宮頸癌的媽媽，即忍不住哽咽。林母確診時癌症級別為2B，由於腫瘤面積未能動手術，接受化療及電療後目前正在康復。
秀怡雖已如釋重負，但坦言面對沉重經濟壓力：「想畀最好嘅嘢媽媽，埋單要成40、50萬，直至依家都要覆診，我都有啲數未清。（男友有幫手？）佢嘅幫忙最主要係心靈上，亦都有幫手接載我媽媽。」
秀怡不諱言家族有遺傳性癌病：「婆婆係子宮頸癌走，公公亦都係癌症，所以發生事之後我第一時間去買保險，都擔心有遺傳。」她又感激身邊朋友：「有啲知道我做藝人出活動唔夠衫，就送咗啲畀我。」