蘇施黃報喜金燕玲捱過化療

藝人蘇施黃昨日偕拍檔和泉素行出席節目《厲害了！蘇哥兒》活動，她笑指去完日本拍攝肥足5、6磅：「午餐同晚餐成日食牛肉飯，返嚟一星期做3至4日運動，依家仲開始Green Monday。」她表示節目會深度介紹日本文化，問是否與密友金燕玲一同收看？她笑言就連自己都冇睇：「佢一係瞓咗覺，一係打緊牌。」問到患子宮癌的金燕玲身體狀況如何？阿蘇雙手合十報喜：「非常好！有心！佢做晒所有化療，6次非常辛苦都捱過咗，今個星期開始做電療，7月中就乜都做晒。（之後出埠度假？）好少同佢去，驚嗌交！」