拍拖做「劇烈運動」洪永城為女友回春
洪永城自爆最近受女友梁諾妍影響多做運動，更因而回春！他又自誇好男友，願意為女友參加馬拉松。
藝人洪永城（Tony）、馮盈盈及陳敏之等昨日為《Think Big策動：全港學界STEM創意大賽》擔任評判，Tony自言讀書時是運動健將：「如果唔做藝人，我會係運動員同體育老師，但近年用多咗個腦，用少咗身體。」
他指長跑教練女友梁諾妍經常鼓勵他多做運動，令他回復青春：「佢好想我哋一齊跑馬拉松，我話佢去外地跑馬拉松，我就去觀光，喺終點等佢，佢即時藐我，不過我係講笑，一對情侶可以一齊跑，係開心同幸福事。」並搞笑表示肯陪食快餐的女友是不錯，但肯陪跑馬拉松的男友也很好！
馮盈盈揀定名校網
至於馮盈盈是理科生，讀書時曾做煮食實驗，烹調暗黑料理！問到男友有否試過其手勢？她說：「因為新屋入伙，未有齊家電，最近嘅料理係淥杯麵。」又自爆向陳敏之請教育兒之道，她認為小朋友要贏在起跑線，所以新居也位於名校網：「已經部署好晒，但短期內唔會實行，因為我冇自理能力同未夠成熟，未適合做媽咪。」而陳敏之談及網劇《衝鋒隊2019》暫停拍攝，她表示10月會有新通知，但對她影響不大。