蘇可欣廢物利用變收納箱

女人貪靚起上來，可能會擁有多樣護膚品及化妝品，如果要收納，相信令人十分頭痛！前港姐兼無綫娛樂台主播蘇可欣（Eunice）教大家慳錢收納大法，可以輕輕鬆鬆將護膚品及化妝品分類好，她說：「平時自己買嘢或者啲品牌送禮物畀我時，都會用好多箱裝住，我覺得掉咗佢又會好浪費，所以我會揀選啲比較實用嘅，抽出嚟放化妝品同護膚品，令到個櫃望落去比較整齊同埋易啲分類。」她又補充：「平時買咗啲面膜，我諗大家都會拆盒收起，但啲面膜就咁擺又會好散，如果用一啲禮物盒放埋一齊，咁就一眼睇得晒，容易好多去搵啦！」