狄龍為老婆碌足12場樓梯
資深演員狄龍、閻奕格與沈震軒昨日演出音樂劇《搭錯車》尾場，狄龍太太亦到場支持。閻奕格表示滿意表現，但有些不捨得，對於唱足12場，她說：「幾個月前已經要食得清淡同早瞓，依家完咗諗住食麻辣火鍋獎勵自己。」狄龍則讚其他演員唱得彈得，自己就「碌」得：「碌足12場！個碌仲可以係Look，睇得。」
沈震軒讚他碌落樓梯夠專業，狄龍即說：「排練完關節痛，但太太叫我唔好放棄。因為佢幫我簽（此音樂劇），如果我搞唔掂佢有法律責任。」並自爆曾為演出與太太吵架！問到碌足12場可有撞瘀？他說：「買咗兩支跌打膏，但呢啲小事。（做巡迴？）問吓關節先。」並展示腳上貼滿膠布。
